"Chalendes" : Comencement ou Fin de l’an ?

"calendae" (chalendes) érant les premiérs jorns de châque mês dens u calendriér romen, cen vôt a dére lo jorn de la luna novèla (nèmonèmia : http://fr.wiktionary.org/wiki/calende ) quand le calendriér siuvéve lo ciclo de la luna (anâyes de Romulus et de Numa Pompilius). (Vêre ètot : http://www.littre.org/definition/calendes )

Adonc, nos povens songiér que Josèf Henriet l’at rêson quand dit que les "chalendes" dêvont avêr una significacion de "comencement" (enroulement).

Josef Henriet (sur facebook, 21 décembre 2013, 16:12)
(...) le Calendae auprès des Romain ne signifiait pas "les derniers jour du mois", mais le PREMIER JOUR du mois.(...)
Le fait qu’en arpitan par CHALENDE on indique le jour de Noel, ou les jours qui suivent la fete est un indice de conservation et ça se rapporte au fait que c’est vers la Noel qui COMMENCE le NOUVEL AN SOLAIRE... En arpitan le mot conserve le sens de DEBUT, de COMMENCEMENT de quelque chose, comme chez les Latins. Chez les Romains de DEBUT du MOIS, chez nous de DEBUT de l’ANNéE SOLAIRE...!!! Le mot doit donc etre PRE-ROMAIN et dans notre culture il a conservé, je crois, le sens le plus originel...

Mas...

Sovenens-nos que "tsalanda-mârs" ’l est un sinonimo de "careme-entrant" (/camintran/ en Saviése) ; en Piemont, se mè trompo pas.

Dens ’wikipedia’, ’l at quârques èxplicacions por cen :
Por honorar lo diô "Mars" a la fin de l’an solèro, et por atendre que lo calendriér lunèro corrèspondésse u calendriér solèro, les Romens organisévont diéx jorns de féta, les "chalendes de Mars" (en aprés, celes jorns de féta sont vegnues ren més que huét jorns). (Vêre http://fr.wikipedia.org/wiki/Calendes )

Adonc, povens-nos pas asse ben fére la tèoria que "Chalendes" vôt simplament dére les fétes de la fin de l’an ?

En chiéz les Romens, tant qu’en -46, la fin de l’an ére u mês de mârs. Aprés la rèfôrma féta per Jules Cèsar ( rèfôrma du calendriér "Julien") la fin de l’an ’l est u mês de dècembro ! Lo premiér de janviér ére la novèla data de comencement de l’an dês cen que les consuls de Rome érant nomâs (votâs, èlus).
( http://fr.wikipedia.org/wiki/Calendrier_julien )

Les gens l’ant-éls pas reportâ en fin de mârs lo sens que "Chalendes" ’l avéve, arrê (adonc) sur la novèla fin de l’an de la fin de dècembro ?