arpitan.ch & francoprovencal.ch

Sens tués des arpitans (patouésans) tot u tôrn du Mont-Blanc !

Accueil > Docs > Tèxtes en ORB arpitanna > Nos sens d’abôrd (bentout) des pêssons !

Nos sens d’abôrd (bentout) des pêssons !

Un masque por rèspirar dens l’ègoua !

lundi 20 janvier 2014, par Dzakye

Trovâ sur : http://inhabitat.com/triton-scuba-mask-transforms-divers-into-human-fish/

JPEG - 49.4 ko

Un designèr de Corèa du mièjorn que l’at nom Jeabyun Yeon l’at pye ((tot)drêt) ora (freche) prèsentâ un masque de plongiê concèptuèl que porrêt permètre ux plongiors de rèspirar desot l’ègoua sens bonbones d’oxigèno. Le (lo) masque que l’at nom "Triton" l’est fét de doux brés que fonccionont coment des ’branchies’ què teriont fôra (èxtrèsont) l’oxigèno de l’ègoua et apèsont (livront) d’êr rèspirâblo drêt dedens les pormons de cél que porte (ceti masque). En place de brentonar (portar malésiêment) tot un pataclan (carelyon) d’èquipèment por plongiér, les nagiors porrant semplament tenir avouéc les dents (asartir, môrdre) un môrs (bocon) de plastique de gôrge (boche).

JPEG - 25 ko

L’aparèl l’est crovért d’ècalyes en plastique què permètont a l’ègoua d’entrar pèr de peti(o)t bugans (pèrtués, bôrnes, golèt(e)s), tânes). Après ceta ègoua entre dens una chambrèta què ciérne (sèpare) l’oxigèno du liquido. Les filtros entèrnos du Triton de fils fens que l’ant des bogans (pèrtués) més peti(o)ts que les molècules de l’ègoua. D’ense l’at ren que l’êr que pôt travèrsiér (passar u travèrs). Aprés cen l’oxigèno l’est comprèssâ et engrangiê (stocâ) dedens un rèsèrvouèr miniaturo. Tot ceti gadgèt marche avouéc una micropila (batèria) d’èxtra (franc) petita que n’on pôt tornar chargiér sens problèmo.

Tant qu’ora, ceti modèlo l’est ren qu’un concèpt, mas Yeon que vat étre possîblo de comèrcialisar ceti produét un biô jorn. D’ense ceta envencion porrêt remplaciér lo matèrièl de plongiê complica de ora.